గోగువనం పువ్వులు

గోగువనం పువ్వులు

గోరువంక నవ్వులు

గోదారి గట్టుమీద -

ఆడేటి గువ్వలు...

మోగేటి మువ్వలు

ఆడే గోగు

తంగేడు పూబంతులు

రంగరించె వింతలు

కిలకిలల కేకలతో -

చిలకరించే కాంతలు...

చిందేసే ఇంతులు

చిల గోగు

పసుపు కొమ్ము దంచిరి

పాయసమ్ము గాచిరి

వరసైన వారి తోటి -

కోలాటమాటలాడిరి...

కోరి కోరి పూచిరి

కోల గోగు

కుంకుమ పువ్వు దెచ్చిరి

కుడుక బెల్లం బెట్టిరి

రంగు నీటి వానలో -

హోలీ రంగు జల్లిరి...

హొయలు తాము పోయిరి

హోలీ గోగు

గంగాపురం శ్రీనివాస్

96763 05949